Hipermetropiya xəstəliyi

Hipermetropiya cəmiyyətdə miopiyadan sonra çox böyük bir faizi təşkil edir.

Göz.az xəbər verir ki, hipermetropiyalı göz uzaqdakı əşyaya baxarkən gələn görüntünün retinann arxasında cəmlənməsidir.

Hipermetropiya nədir?

Hipermetropiya termini Hiper: artıq, Met: ölçmə, göstərici, Opia: göz terminindən yaranır. Gözün artıq ölçüsü mənasında istifadə edilir.

Hipermetropiya uzaq görüşlülük yəni uzaqdakı cismləri daha yaxşı görür, ancaq yaxındakı cismlərə baxarkən daha çox çətinə düşür, bulanıq və ya müəyyən olunmayan görüntü yaranmasına səbəb olur. Görüntü sağlam bir şəxsin gördüyünə görə daha kiçikdir.

Qadınlarda daha artıqdır. Doğuş da +2,5-6 D hipermetropiya normal hesab edilir.
Hipermetropiya tipləri nədir?

İkiyə ayrılır:

Gizli Hipermetropiya: Adətən 1-1,5 nömrəyə qədərdir. Uşaqlarda çox görülür, ancaq uşaqlardakı güclü uyğunluq bacarığı ilə ortadan qaldırılır və rutin müayinədə təsbiti çətindir.

Damlalı müayinə ilə şəxsin uyğunluq bacarığı azaldılırsa diaqnoz qoyula bilər.

Bilinən hipermetropiya: Şəxsin yaşından asılı olmayaraq rutin müayinə sırasnda təsbit edilən hipermetropiyadır. Mütləq olaraq eynəyə ehtiyac vardır.

Yeni doğulanda adətən ortalama göz nömrəsi 2.00-dir, ancaq 6 nömrəyə qədər normal qəbul edilə bilər. 6 yaşında ortalama 1.00 ilə 0.50 hipermetropiyadır, 10 yaşında ortalama olaraq heç nömrə yoxdur.10 yaşdan sonra isə ortalama göz nömrəsi miopiyaya doğru davam edər.

Hipermetropiyanın əlamətləri

Hipermetropiya böyüklüyünə, xəstənin yaşına, uyğunluq mexanizminin vəziyyətinə bağlı olaraq ümumi sistem üzərinə olan təsiri dəyişməkdədir. Kiçik nömrələrdə şikayət olmaya bilər. Xəstənin uyğunluq mexanizmi ilə düzəldilir. Burada görmə normaldır, gözləri qıyaraq baxma isə yorğunluğa, gözdə sulanmağa səbəb olur. Şikayətlər isə gün irəlilədikcə daha da irəliləyir.

Ancaq ümumi olaraq gözdə sulanma, göz ağrısı, baş ağrısı, görmədə çətinlik olur. Əsas şikayət isə oxumaqda yaranan çətinlikdir. Ancaq hipermetropik şəxslərdə həm yaxından həm uzaqdan görmə pozuntusu vardır.

Erkən dövrlərdə bir uşaqda ortaya çıxan hipermopiyada müalicə ilə kiçik uşaqlarda tənbəllik və çəpliyin qarşısını almış olur, daha böyük uşaqlarda düzəldilməmiş hipermetropiya oxuma bacarığına təsir göstərir, hansısa yaşda düzəldilməmiş hipermemopiya gözdə narahatlıq yorğunluq ortaya çıxmasına səbəb olur.

Hipermetropiyanın müalicəsi

Eynək ya da kontakt linza: Gənc xəstələrdə hipermetropiya tam düzəltməsini bərpa etmək üçün bir az zamana ehtiyacları vardır. Uşaqlarda yaşla bərabər nömrə düşə bilər, bu səbəbdən hər 6 ayda bir uşaqlara nəzarət edilməlidir. Əks halda miopiya yarana bilər.

Gigiyenaya diqqət edilməli:

Oxuma və ya yaxın işlərdə çalışarkən hər 20 dəqiqədən bir ara verilməli.
Oxuma əsnasında uyğun məsafədə (35-40 sm) tutulmalı

Yetərli uyğun işıq olmalı

Hipermetropiyası olan kiçik uşaqlarda göz tənbəlliyi, çəplik ilə birlikdə müşahidə edilə bilər. 3-6 aylıqdan etibarən erkən müalicəsi başlanılmalıdır.

Hipermetropiya cəmiyyətdə miopiyadan sonra çox böyük bir faizi əhatə edir.

Hər nə qədər düzəldilməmiş miopiya, görmə kəskinliyi baxımından hipermetropiyadan daha artıqlıq təşkil etsə də hipermetropiya ilə göz tənbəlliyi, çəplik arasındakı əlaqə və bunun nəticəsində ortaya çıxa biləcək qalıcı görmə itkisi hipermetropiyanı miopiyadan daha vacib qılır.