Göz quruluğunun əlamətləri

Göz quruluğu nədir?

Göz.az xəbər verir ki, göz quruluğu, gözlərin sulu qalmağa yetəcək qədər göz yaşı yaratmadığında ortaya çıxan, yanma, batma, qaşıntı kimi əlamətlərə səbəb olan göz sağlamlığı problemidir. Gözün yetərli miqdarda göz yaşı yaratmaması, gözləri infeksiyaya qarşı qoruyucu təsirinin azalmasına səbəb olur. Bu hal irəliləyərək daha da ciddi problemlərə yol aça bilər.

Həmçinin mövcud göz yaşının buxarlaşması da quru göz sindromuna yol aça bilir. Gözün sümük divarının üst xarici künclərində mövcud olan göz yaşı vəzləri gün ərzində mütəmadi olaraq istehsal edir.

Göz quruluğunun bir neçə tipi vardır:

Su əksikliyi olan göz quruluğu-gözlərdə yer alan lakrimal vəz göz yaşı istehsal edə bilmədiyi zaman gözlərdə quruluq meydana gəlir. Bəzi otoimmun xəstəliklər ya da problemlər lakrimal vəzində iltihaba səbəb olur və yetərli miqdarda sulu göz yaşı istehsalının qarşısını alır.

Buxarlaşmalı tipi göz quruluğu – Göz yaşları tez buxarlaşdığı zaman şəxsdə buxarlaşmalı göz quruluğu görülür. Ən geniş yayılan səbəb meibomian vəzində meydana gələn funksiya pozğunluğudur.

Qarışıq tipli göz quruluğu – Gözlərin həm yetərli səviyyədə yaratmadığı həm də göz yaşının normal olmadığı mənasını əks etdirir. Bu problemlərin hər ikisi də quru göz simptomlarına yol açar.

Göz quruluğu nə üçün olur?

Göz quruluğunun səbəbləri yaşlılıq, hormonal dəyişikliklər, gözləri çox qırpma, quru hava, lazer əməliyyatları, infeksiya, diabet, tiroid pozğunluqları, A vitamini əksikliyidir.

Ümumiyyətlə göz quruluğunun geniş yayılmış səbəbləri aşağıdakılardır:

Hamiləlik kimi hormonal dəyişikliklər

Kontakt linza istifadəsi

Havanın quru olması

Göz infeksiyaları
Göz damlalarına və məlhəmlərinə qarşı allergiya

Duman, günəş, külək, nəm səviyyəsi kimi ətraf faktorlar

İltihabi xəstəliklər

Gözün zərərli işıqlara məruz qalması və s.

Göz quruluğuna səbəb olan, zəmin yaradan faktorlar:

Yaşın irəliləməsi

Revmatik xəstəliklər

Tiroid vəzi funksiyalarının yaxşı çalışmaması

Depressiya və s.

Göz quruluğunun elametleri

Gözlərdə yanma şikayəti

Göz içində yad cismin varmış hissi

Gözlərdə qızarıqlıq və qaşıntı

İşığa qarşı həssaslıq

Görmədə bulanıqlıq

Göz ağrısı

Oxuma əsnasında tez yorulma

Gecə maşın istifadədə çətinliyin olması.

Göz quruluğunun müalicə üsulları nələrdir?
Quru göz müalicəsində ilk mərhələ ətraflı göz müayinəsidir. Quru göz sindromunun müalicəsi səbəbi istiqamətində tərtib edilir. Quru göz sindromunda gözü nəmli tuta bilmək üçün süni göz yaşı damlası və gel tövsiyə edilir. Gündə 4-5 dəfədən daha çox istifadə etmək ya da tək istifadə üçün uyğun preparatlar tövsiyə edilir.

Mövcud göz yaşının buxarlaşması ilə quru göz sindromu olanlara da bəzən qoruyucu eynəklər də tövsiyə edilə bilər.

Göz quruluğu şikayətinə məruz qalmamaq üçün alına biləcək bəzi tövsiyələr belə sıralana bilər:

3 saniyədə bir göz qırpmaq normal olandır. Müəyyən aralıqlarla şüurlu olaraq göz qırpmaq göz sağlamlığı üçün vacibdir.

Göz yaşlarının buxarlaşmasını yavaşlatmaq, qarşısını almaq məqsədiylə saç qurutma feni, kondisionerlər və pərvanələr kimi vasitələrin gözlərə hava buraxmasından qaçınılmalıdır.

Gözlər ovuşdurulmamalıdır.

Ofis çalışanları 5-10 dəqiqəlik aralarla gözləri dincəltməlidirlər.