Göz müayinəsinin qiyməti

Göz müayinəsi kiçikdən böyüyə hər kəsin müraciət etməli olduğu yoxlanışdır.

Göz.az xəbər verir ki, göz müayinəsi 20 dəqiqə kimi davam edir. Müayinə nəticəsində torlu qişada problem aşkar edilərsə gözə damcı tökülərək göz bəbəyi böyüdülür və göz sinirlərinə daha yaxşı yoxlanış aparılır. Bu zaman müayinə müddəti daha da uzana bilər.

Bəs göz müayinəsinin mərhələləri hansılardır?

Ümumi göz müayinəsi

Göz dibinin yoxlanışı

Eynək müayinəsi

Görmə itiliyinin yoxlanışı

Göz qapaqlarının yoxlanışı

Göz təzyiqinin yoxlanışı

Biomikroskopik müayinə

Biometriya - Ön kameranın dərinliyini, büllurun qalınlığını, şüşəyəbənzər cismin ölçüsü və bütövlükdə göz ölçüsünün müəyyənləşdirməsi nəzərdə tutulur.
Göz müayinəsi nə zaman aparılmalıdır?

Damcı tədbiqi ilə detallı göz müayinəsi ilə əldə etdiyiniz nəticələr uzun müddətlli göz sağlamlığınızın qorunması üçün həyati əhəmiyyət kəsb edir.

Pediatrik xəstələr üçün göz müayinəsi böyüklərdən daha tez-tez keçirilməlidir. 0 - 36 ayında, 36 - 48 ayında və məktəb dövründə ildə bir dəfə keçirilməlidir.

Erkən diaqnozla göz problemlərini aşkar etmək və müalicə etmək mümkündür.

Qeyd edək ki, hər göz müayinəsi fərdi formada aparıla bilər və şikayət əsasında davam etdirilə bilər.
Oftalmologiyada diaqnostika yüksək dəqiqlik və yaxşı avadanlıq təchizatını tələb edir. Göz qapağının ümumi müayinəsi üçün xüsusi işıqlandırıcı olan mikroskop - yarıq lampa və göz dibinin müayinəsi üçün bir neçə oftalmoskop növü (birbaşa və tərs formada) lazımdır.

Müayinə əsnasında gözün görmə səviyyəsini yoxlamaq məqsədilə hərf, rəqəm, şəkillər göstərilir. Buna əsasən zəifliyin dərəcəsi öyrənilərək gözə uyğun optik eynək təyin edilir. Həmçinin çox zəif gözlərdə pasiyentin əməliyyat üçün uyğun olub-olmadığı deyilir.

Ümumi göz müayinəsinin qiyməti

Bu həkimə, xəstəxanaya görə fərqlilik daşıyır. Ümumi həkim müayinə qiyməti isə 20 manatdan başlayır.