Göz səyirməsi nədir?

Göz səyirməsi, nəzarət edilə bilməyən göz əzələsi ya da göz qapağının anidən hərəkəti olaraq bilinir.

Göz.az xəbər verir ki, tibbi adı miyokimi olan göz səyirməsində, qapaq bir neçə saniyədən bir hərəkət edə bilər. Bu vəziyyət göz xəstəlikləri ya da nevroloji bir pozğunluğun əlaməti olaraq ortaya çıxa bilir. Gözdə yüngül çəkilmə kimi simptomları olan göz səyirməsi, bir neçə həftədən uzun çəkdiyi vəziyyətdə göz həkiminə getmək gərəklidir.

Göz səyirməsi nədir?

Tibbi adı miyokimi olaraq bilinən göz səyirməsi geniş olaraq yayılıb.Yuxusuzluq və gün ərzində həddindən çox göz yorğunluğu yaşanması nəticəsində göz qapağı əzələlərinin anidən təkrarlayan səyirməsinə deyilir.

Stress, artıq kafein istifadəsi, elektrolit, vitamin və mineral əksiklikləri də göz səyirməsinin səbəblərindəndir.

Göz səyirməsi bir neçə saniyə çəkdiyi kimi və ya iki dəqiqə ərzində də davam edə bilər. Adətən göz səyirməsi yüngül olur, başqaları tərəfindən fərq edilməyəcək dərəcədə sürətlə səyirə bilər və göz səyirməsi göz qapağında yüngül çəkilmə hissiyyatı verir.
Göz seyirmesi nə üçün olur?

Göz səyirməsi, adətən gözün yorulmasına səbəb olan uzun müddət ekrana baxma, yuxusuzluq, göz quruluğu, stress, artıq kafein istifadəsi, elektrolitlər, B12 vitamini, D vitamini və ya maqnezium əksikliyi və bəzi dərmanların istifadəsi nəticəsində ortaya çıxan əzələ gərginləşməsidir. Ani və qısa müddətli spazmalar səbəbiylə ortaya çıxan göz səyirməsi, beyinin motorika sinirlərindən də qaynaqlana bilər.

Göz səyirməsinə səbəb olan vəziyyətlər bu formadadır:

Parlaq işıq, külək, hava kirliliyinə məruz qalma

Həddindən çox spirtli içki qəbulu

Göz yorğunluğu

Həddindən çox kafein qəbulu

Yorğunluq

Siqaret çəlmək

Stresə məruz qalmaq

Maqnezium əksikliyi

B12 vitamini və D vitamini əksikliyi

Göz səyirməsinə səbəb ola biləcək beyin və sinir sistemi pozğunluqları hansılardır?

Servikal distoni

Distoni

Multipl Skleroz

Parkinson

Tourette sindromu

Sol göz səyirməsinin sebebi:

Beyinin motorika sinirləri

Yuxusuzluq

Göz quruluğu

Stress

Vitamin əksikliyi

Sağ göz səyirməsinin səbəbləri:

İşığa qarşı həssaslıq

Göz quruluğu

Göz zədələnməsi

Tez-tez kafeindən istifadə

Xroniki dərman istifadəsinə görə dərman istifadəsi

Göz səyirməsinin diaqnozu necə qoyulur?

Həkim pasiyent haqqında anamnez toplayır. Daxili göz quruluşu müayinə edilir. Digər yaratdığı əlamətlər də öyrənildikdən sonra oftalmoloq diaqnoz qoyur.

Yüngül seyr edilən göz səyirməsi üçün bunlar edilə bilər:

Spirtli içki istifadəsi azaldılmalı

Yuxu rejimi tənzimlənməli

Gərəkdiyi zaman günəş eynəyindən istifadə edilməlidir

Mütəmadi olaraq göz damlası istifadə edilməlidir.

B və ya B12 vitaminli qidalar qəbul edilməli

Uzun müddət kompüter, televiziyaya baxılmamalıdır.

Həkimə nə zaman müraciət edilməlidir?

Göz səyirməsinin ən gec bir həftə içində keçmədiyi vəziyyətlərdə

Göz qapağının hər səyirmədə tamamilə qapandığı vəziyyətlərdə göz qapağını açmaqda çətinliyin olması

Gözdə qızarıqlıq, şişlik, axıntının gəlməsi.