Göz daşı əlamətləri

Vücudda daş ancaq böyrəkdə və ya öd kisəsində yaranmır. Gözlərdə yaranan yanma, batma və ya qaşıntının səbəbi gözdəki daş ola bilər.

Göz.az xəbər verir ki, hər 10 şəxsdən birində görülən göz daşı, siqaret, spirtli içki istifadəsi, yetərsiz su və meyvə istifadəsiylə bərabər inkişaf edə bilir.

Göz daşı nədir?

Göz daşı digər orqanlarla yanaşı gözlərdə də ola bilər. Göz daşı hər yaşda görülə bilməklə bərabər irəliləyən yaşlarda göz daşına daha çox rastlanmaqdadır. Göz daşının tibb dilindəki adı konkreyondur.

Adətən yanlış qidalananlarda, siqaret və spirtli içki istifadə edənlərdə, şəkər xəstələrində, konyuktivit kimi xroniki göz infeksiyası olanlarda, blefarit kimi təkrarlayan göz qapağı infeksiyası olanlarda, şəxslərdə göz qapağındakı yağ vəzlərinin yaxşı çalışmadığı vəziyyətlərdə və quru göz xəstəliyində göz daşına rastlanılır.

Gözdə daş olmasının əlamətləri nələrdir?

Gözlərdə yanma, batma, qızarıqlıq, qaşıntı, göz daxilində yad cismin batma hissi, şişlik kimi əlamətlər göz daşı xəstələrində tez-tez rastlanılır. Xəstəliyin diaqnozu üçün ətraflı göz müayinəsi vacibdir. Müayinə əsnasında göz qapaqlarının daxili qismini ətraflı formada nəzarət etmək gərəklidir. Müayinədə gözün iç qismlərinə baxmaq lazımdır. Müayinədə təsbit edilən göz daşları xüsusi aparat ilə gözlərdən təmizlənir.
Necə müalicə edilir?

Gözlərdə yanma, batma, qızarıqlıq kimi şikayətlərlə gələn xəstələrə bəzən süni göz yaşı müalicəsi tətbiq edilir.

Ancaq xəstələr uzun müddət süni göz yaşı istifadə etsə də gözündəki şikayətlərin keçmədiyindən əziyyət çəkirlər.

Belə xəstələri ətraflı formada müayinə etdiyində gözünün daxili qismlərindəki daşları görə bilirik. Daşları təmizləyib, uyğun göz damlaları ilə xəstənin müalicəsi tamamlanır.

Müalicədən sonra xəstələr mövcud şikayətlərindən tamamilə xilas olmaqdadır. Xəstə müalicə edilməzsə batma, yanma, qızarıqlıq və s. şikayətlər öz-özünə düzəlməz və xəstəlik xroniki hal alar. Göz daşı təmizləndiyində göz toxumasında yaranan xroniki zədələnmə ilə infeksiyaya zəmin hazırlayır. Təmizlənməyən daş eyni zamanda kornea xətlərinə də səbəb ola bilir.
Göz daşı yaranmasına qarşı necə qidalanmalı?

Kifayət qədər maye almayanlarda, siqaret istifadə edənlərdə, yuxu pozğunluğu olanlarda və meyvə istifadə etməyənlərdə göz daşının daha çox görüldüyünü söyləyən mütəxəssislər, göz daşı yaranmasının qarşısını almaq üçün mütəmadi yatın, düzgün qidalanın və bol-bol su içməyin vacibliyini qeyd edirlər.

Həmçinin kondisionerli məkanlarda artıq olmamaq, içərisində mövcud olan məkanı tez-tez havalandırmaq, artıq aydınlatılmış məkanlarda uzun müddət qalmamaq, ekran və ya mobil telefonu qarşısında saatlarca zaman keçirməmək, həm göz daşı yaranmasına tədbir olacaq, həm də göz sağlamlığını qorumağa kömək olacaqdır.

Hər axşam, yatmazdan öncə 10 dəqiqə, göz qapaqlarına çobanyastığı çayı ilə nəmləndirilmiş pambıq tətbiq edilərək gözlərin təmizlənməsi və dincəlməyini təmin edə bilərsiniz.