Göz allergiyası

Son zamanlarda göz problemləri geniş vüsət alıb. Bu halların birdən çox səbəbi ola bilər. Əksər göz xəstəliklərində isə əlamətlər bənzər olur.

Göz.az xəbər verir ki, mövsüm dəyişkənlikləri ilə bağlı gözdə allergiya halları tez-tez müşahidə edilir. Gözlərdə sulanma, qaşıntı, qızartı varsa bu allergiyanın simptomları hesab edilə bilər. Bütün bədənin allergiyası kimi gözün də allergiyası var.

Göz allergiyasını yaradan faktorlar hansılardır?

Bir çox istifadə edilən əşya, vasitələr allergiyaya zəmin yarada bilər:

Məişət tozları

Polenlər

Heyvan tükləri

Yorğan və yastıq içlikləri və s.

Günəşə baxarkən gözdə yaranan allergiya da vardır.

Göz allergiyasının əlamətləri:

Qaşınma

Sulanma

Qızartı

Batma hissi və s.

Göz allergiyası bəzən digər göz xəstəlikləri ilə qarışıq salınır. Bu zaman əlavə laborator testlərdən istifadə edilməlidir. Buna əsasən müalicə tərtib edilir.

Göz allergiyasının müalicəsi necə aparılır?

İlk olaraq təsir göstərən allergen tapılır. Daha sonra buna uyğun müalicə planı tərtib edilir. Müalicədə allergiya əleyhinə damlalardan istifadə edilir.

Göz allergiyasından əziyyət çəkənlər nə etməlidirlər?

Günəş eynəyi geyinməli

Günəşə birbaşa baxılmamalı

Kondisionerlərin filterlərini tez-tez dəyişdirməli

Sərin su ilə kompres edilməli.

Süni göz damcılarından istifadə edilməlidir.

Göz allergiyası üçün bir neçə qrup damlalar vardır:
Kəskin allergiyanı götürən damla,

Xroniki allergiyanı aradan qaldıran damla

Xroniki prosesi götürmək üçün bəzən bu damlalar tövsiyə edilir.

Həmçinin kortikosteroid, iltihab əleyhinə qeyri-steroid vasitələr təyin edilə bilər - onlar iltihabı müalicə edir, şişləri azaldır.

Allergiya nə üçün gözə zərər vura bilir?

Buna səbəb gözlərin allergenlərə qarı daha həssas olmasıdır. Allergenlərin böyük hissəsi havada olduğundan onlar gözlərin səthi və burunla asanlıqla təmasa girir. Əksər hallarda allergik reaksiyalar maddələrin bilavasitə göz qapağı və ya gözün səthi ilə təmasından ortaya çıxır.

Maz və damcı şəklində olan kortikosteroidlər bir qayda olaraq, xroniki proseslərdə əlavə terapiya kimi təyin edilir.
Qeyd edək ki, iltihab əleyhinə olan qeyri-steroid vasitələr ağır konyunktivitlərin, uveitlərin, bahar keratokonyunktivitlərinin kompleks müalicəsində geniş formada tətbiq olunur.