Gözdə yaranan ləkə

Son zamanlar yayılan oftalmoloji problemlərin içərisində gözdə yaranan ləkələr, şişliklər yer alır. Göz isə yaranan bu kimi problemlərdən təsirlənir. Bəzən isə görmə zəifliyi belə yarana bilir.

Bəs gözdə infeksiyalar, ləkələr nədən qaynaqlanır?

Bu halların bir çox səbəbi ola bilər.

Göz.az xəbər verir ki, gözdə çıxan çibanın əsas səbəbi bakterial və virusdan qaynaqlana bilər. Xüsusilə su çiçəyi, herpes xəstəliyi, buynuz qişada, göz bəbəklərində yaralara yol aça bilər.

Həddindən çox yorğunluq, halsızlıq, immunitetin kəskin aşağı düşməsi, yuxusuzluq nəticəsində də bu növ ləkələr yarana bilir. Belə halla qarşılaşan zaman təcili oftalmoloqa müraciət edilməlidir.

Bundan başqa yorğun düşmək, halsızlıq, yuxusuzluq, immunitetin aşağı düşməsi ilə bərabər gözdə şişliklər yarana bilər. Bu, itdirsəyi ola bilər ki, bəzi halda bu, xalazionla nəticələnir. Düzgün diaqnoz qoyulmalı və səbəbə görə müalicə edilməlidir. Viral kökənli infeksiyalarda orqanizmdə su çiçəyinin digər əlamətləri də görülə bilər. Bakterial səbəbli ləkələr zamanı isə sadəcə gözdə ləkələr görünür.
Bəs bu halların yaşanmaması üçün nələr edilməlidir?

İlk olaraq immun sistemi gücləndirilməlidir. Bunun üçün gərək duyularsa vitamin kompleksi qəbul edilməlidir. Kirli əllərlə gözü ovalamaq olmaz. Əllər yaxşı yuyulmalıdır. Qida rejiminə diqqət edilməlidir.

Bəs hansı hallar ciddiyə alınmalıdır?

Buynuz qişada yaranan ağ dairə - Gözün irisini və göz bəbəyini əhatə edən nazik qoruyucu təbəqə olan buynuz qişanın ətrafında ağ ləkə yarana bilər. Bu yaşlılığının göstəricisi ola bilər. Ancaq 40 yaşdan kiçiksinizsə, bu dairə yüksək xolesterolun (hiperkolesterolemiya) əlaməti ola bilər.

Göz qapaqlarının titrəməsi – Göz qapağınız bükülə bilər. Bu adətən keçici normal vəziyyət olsa da bəzən sinirlərdə yaranan problemin göstəricisi ola bilər. Göz qapaqlarını açıb bağlayan əzələlərin sinirlərində bir növ yanlış atəş nəticəsində yaranır. Əgər titrəmə epizodları bir neçə həftədən çox davam edərsə və ya daha güclü sancılar göz qapaqlarını bağlayarsa, həkimə müraciət edilməlidir. İdiopatik üz iflici və ya daha nadir hallarda əsas blefarospazm, görmə qabiliyyətinə mane ola bilən və dərman və ya cərrahi müdaxilə tələb edə bilən nevroloji pozğunluq ola bilər.
Gözdə yaranan ləkə - Gözünüzün ağ hissəsində qırmızı qan ləkəsi yaranırsa buna diqqət etməlisiniz. Bu hal adətən zərərsiz olur. Öskürərkən, asqırdığınızda və ya çox səy göstərdiyiniz zaman gözdəki bir damar partlaya bilər, buna ssubkonjunktival qanaxma deyilir. Gözün ağının şəffaf qoruyucu təbəqəsi altında qan toplanır və hətta hər yerə yayıla bilər. Keçməsi üçün 2- 3həftə zaman lazılmdır. Əgər bu ləkələr yayılarsa, vücudun başqa nahiyəsində də yaranarsa gecikdirmədən həkimə müraciət etməyiniz tövsiyə edilir.