Uşaqlarda göz sulanması

Uşaqlarda göz sulanması adətən, gözə yad bir cism qaçması ilə olur. Onun xaricində, göz qapaqlarındakı pozğunluqlar, göz təzyiqi xəstəliyi, gözdə cızılma və göz yaşı kanalı tıxanıqlığı da sulanma əlaməti ilə özünü göstərir. Göz qapaqlarındakı pozuntu, sulanmanın xaricində görməyə də maneə ola bilər. Aşağı göz qapağı, artıq dəri qıvrımları, göz qapaqlarının aralığının dar olması kimi vəziyyətlər uşağın görməsini çətinləşdirirsə müalicə gecikmədən tətbiq edilməlidir. Həmçinin uşaqlarda və körpələrdə görülən göz qapaqlarındakı infeksiyalar da sulanmaya səbəb olur. Göz qapağındakı çiban və bənzəri şişlikdəki infeksiyalar, gözdəki təzyiqə səbəb ola bilər. Təzyiqin yaradacağı ağrı, toxumalardakı deformasiya və göz tənbəliyi uşağı çətinə salır. Bu tip infeksiya narahatlıqları fərq edildiyində zaman itirmədən müalicə edilməlidir.

Göz.az xəbər verir ki, uşaqlarda göz sulanması allergik narahatlıqları nəticəsində də görülə bilər. İlk 6 aydan sonra gözlərdə qaşınma, qızarıqlıq, yanma və sulanma ilk olaraq allergiyanı ağıllara gətirməkdədir. Adətən hər iki gözə birlikdə təsir edən bu vəziyyəti həkimə göstərmək və allergik təsirlərdən uzaq durmaq gərəklidir.

Göz yaşı kanalı tıxanıqlığı isə, körpə və uşaqlarda ən çox rastlanılan göz xəstəliklərindən biridir. Yeni doğulan körpənin bir və ya hər iki gözündə mütəmadi olaraq sulanma və palçıqlanma görülürsə, göz yaşı kanallarının doğuşdan tıxalı ola biləcəyi düşünülərək bir göz həkiminə müraciət edilməlidir.

Göz yaşı gözü mütəmadi nəmli tutur, təmizləyir və qoruyur. Üst göz qapağının xarici qismində qaşın altında olan göz yaşı vəzləri tərəfindən istehsal edilir. Göz yaşının artıq qismi göz yaşı kanalı tərəfindən burun boşluğuna axıdılır.

Göz yaşı kanalı alt və üst göz qapaqlarının daxili küncündə iki kiçik deşik olaraq başlayar və buradan aşağı doğdu uzanaraq burun boşluğuna açılır. Ağlarkən burnunuzun axmasının səbəbi çox miqdarda göz yaşının bu kanaldan burun içinə boşalmasıdır. Bu boşalma kanallarındakı hansısa tıxanıqlıq "göz yaşı tıxanıqlığı" olaraq xarakterizə edilir.
Tıxanma əlamətləri isə gözlərdə tək ya da iki tərəfli yaşarma, göz burun arasındakı kisədə şişlik və qızarıqlıq, gözdə yanma, qaşınma hissini verir.

Kanal tıxanıqlığı, erkən doğulan körpələrdə, oğlan və qeysəriyyə ilə doğulan körpələrdə bir az daha artıq görülə bilər. Ana rəhmindəykən göz kanallarının ağzı örtülüdür və adətən doğuş sırasında və ya doğuşdan bir neçə gün sonra açılır.

Açılmadığı təqdirdə bu tıxanıqlıqlar gözdə həddindən çox sulanma yarana bilər. Bu vəziyyət adətən keçicidir. Sulanma və palçıqlanma keçmədiyi təqdirdə həkimə müraciət edilməlidir.

Kanal tıxanıqlığı müalicəsi bir neçə mərhələdən ibarətdir. İlk olaraq massaj tətbiqi edilir. Burada məqsəd, kanal içərisindəki hidrostatik təzyiqi artıraraq tıxalı olan kanalın açılmasını təmin etməkdir. Bu əsnada gərəkli göz damlaları da istifadə edilir. Massaj və damla müalicəsi, körpə 12 aylıq olana qədər tətbiq edilir. Əgər kanal tıxanıqlığı bir yaşa qədər düzəlməsə ümumi anesteziya altında incə alətlə kanal açımaya çalışılır. Bu bəsit cərrahi prosedurdur. 12-18 aylıq uşaqlara tətbiq edilir.