Göz təzyiqi, Qlaukoma xəstəliyi

Göz təzyiqi adlandırılan qlaukoma, göziçi təzyiqinin yüksəlməsi nəticəsində yaranan göz siniri zədələnməsi fonunda xarakterizə edilir. Erkən aşkarlanıb müalicə edilmədiyi vəziyyətdə qalıcı görmə itkisinə yol açan göz xəstəliyidir.

Göz.az xəbər verir ki, göz təzyiqi xəstəliyində, gözdaxili mayenin xaricə axın yolunda gözlə görülməyəcək ölçüdə tıxanıqlıq yaranır və bunun nəticəsində artan bu gözdaxili mayesi, təzyiqin armasına səbəb olur.

Göz müayinəsində göz təzyiqinin artışı ilkin əlamət ola bilər.

Göz təzyiqi nə üçün olur?

Göz təzyiqi, göz içindəki təzyiqin artması nəticəsində optik sinir olaraq da bilinən görmə sinirinin zərər görməsi ilə ortaya çıxan xəstəlikdir.

Kimlər risk altındadır?
İrəli yaş

Ailədə göz təzyiqi xəstəliyi olanlar

Siqaretdən istifadə edənlər

Şəkər xəstələri

Miopiyadan əziyyət çəkənlər.

Qlaukomanın əlamətləri:

Gözdaxili mayenin gün ərzindəki fərqliliyindən qaynaqlanan göz ətrafında ağrı, baş ağrısı

Gün ərzində gözdaxili təzyiqin artışları zamanı yaranan gəlib-keçici görmə bulanıqlığı

Gözdə sərtlik hissi

Gözdə qızarıqlıq

Bəzən gözlərin ölçülərində böyümə müşahidə edilə bilər.

Qlaukomanın diaqnozu necə qoyulur?

Göz müayinəsində ölçülən kornea qalınlığı, gözdaxili təzyiq, görmə sinir analizi və görmə testi nəticəsində diaqnoz qoyula bilər.

Qlaukoma (göz təzyiqi) müalicəsində hansı qaydalara diqqət yetirmək lazımdır?
Göz damlaları sadəcə həkimin dediyi zamanda istifadə edilməlidir. Bununla da effektlik dərəcəsini artırmış olarsınız. Həm də pasiyentin vəziyyətinin pisləşməsinin qarşısın almış olar.

Göz təzyiqini endirmək üçün istifadə edilən göz damlalarının müəyyən əks təsirləri mövcuddur. Ürək ağrısı, baş gicəllənmə və s. kimi yan təsirləri gördüyünüz zaman dərhal həkiminizlə məsləhətləşin. Bu zaman alternativ dərmanlar tövsiyə edilə bilər.

Müayinələr axsadılmamalıdır.

Qəbul etdiyiniz başqa dərmanlar varsa bunu həkiminizə bildirin. Çünki göz damlaları ilə birgə istifadəsinin əks göstərişləri ola bilər.

Qeyd edək ki, qlaukomanın erkən diaqnozu görmə qüsurunun qarşısını almaqda sizə kömək olacaqdır.