Uşaqlarda katarakta xəstəliyi

Doğuşdan yaranan katarakta nədir?

Doğuşdan yaranan katarakta, doğumdan etibarən görülən, linzanın tək və ya cüt tərəfli olaraq şəffaflığını itirməsidir.

Göz.az xəbər verir ki, doğuşdan olan kataraktalar ananın hamiləlik əsnasında keçirdiyi infeksiyalara, istifadə edilən dərmanlara bağlı olaraq ortaya çıxa bildiyi kimi, heç bir səbəbə bağlı olmadan da yarana bilər. Bir sözlə uşağınn digərindən fərqli rəngdə olması və ya gözdə sürüşmə, çəpliyin olması, doğuşdan kataraktanın əlaməti ola bilər. Körpələrdə bu əlamətlər görüldüyü an, heç zaman itirmədən göz mütəxəssisinə müraciət edilməlidir. Doğuşdan gələn katarakta, görməyə maneə olursa və xüsusilə tək tərəflidirsə, diaqnoz qoyulan zaman əməliyyat edilməlidir. Doğuşdan yaranan kataraktlı gözdə ən vacib problem göz tənbəlliyidir. Göz tənbəlliyini aşmaq üçün əməliyyat, göz həkiminin tövsiyəsi əsasında mümkün olan ən qısa zamanda edilməlidir.

Doğuşdan uşaqda yaranan katarakta müalicəsi necə tətbiq edilir?

Doğuşdan katarakta müalicəsi də "FAKO" üsuluyla edilməkdədir və yaş uyğundursa göz içinə mərcək yerəşdirilir. Doğuşdan kataraktanın müalicəsində ən əhəmiyyətli hissə, əməliyyatdan sonra ediləcək olan göz tənbəlliyi ilə mübarizə hissəsidir. Bu hissədə ailə həkim birliyi çox vacibdir.

Əgər bu edilməzsə edilən əməliyyatın faydası olmaya bilər. Əməliyyatdan sonra ümumi analizlər nəticəsində uşağın eynək və ya linzadan istifadə etməsi gərəkli ola bilər.

Uşaqlarda kataraktanın səbəbləri

Ananın hamiləlik müddətində keçirmiş olduğu infeksiya, istifadə etdiyi dərmanlar, uşağa aid metabalik xəstəliklər bu problemin başlıca səbəbləri sırasında yer alır. Ancaq bunların heç biri olmadığı halda belə kataraktaya rast gəlinə bilər.
Uşaqlarda kataraktanın əlamətləri

Bir göz bəbəyinin digərindən fərqli olması, katarakta olan gözün bəyaz və donuq görünməsi

Göz sürüşməsi, çəplik – xüsusilə uşaqlıq çağlarında ortaya çıxan göz sürüşmələrinin əsas səbəbi "kongenital katarakta" ola bilər.

Uşaqlarda kataraktanın müalicəsi

Tək müalicə üsulu cərrahiyyədir. Əməliyyatın nə zaman edilməsi gərəkdiyinə, kataraktanın çoxluğuna, tək və ya cüt tərəfli olmasına görə detallı göz müayinəsindən sonra uzman göz həkimi tərəfindən qərar verilir.

Bütün kataraktalar eyni formada deyil. Katarakta adətən bütün linzanın bulanıqlaşması formasında yaranır. Bəzi katarakta növlərində isə öncə bir hissədə bulanıqlaşma yaradıb sonra linzanın digər hissələrinə yayılmağa başlayır. Əksər zaman kataraktanın inkişaf etməsi illər alarkən, bəzi vəziyyətlərdə isə bir neçə ay kimi qısa müddətdə gerçəkləşə bilər.

Katarakta iki gözdə də eyni anda amma fərqli ölçüdə inkişaf edə bilər.

Uşaqlarda katarakta əməliyyatı

Böyüklərdə tətbiq edilən katarakta əməliyyatının eynisidir. Qocalarda görülən kataraktadan fərqli olaraq şəffaflığını itirən göz mərcəyinin arxa pərdəsi də bu əməliyyatla alına bilər. Uşaq 2 yaşından kiçikdirsə mərcək yerləşdirilməz. 2 yaşından böyükdürsə mərcək yerləşdirilir.
Uşaqlarda əməliyyat texnikaları

Fakoemülsifikasiya (FAKO)

Planlaşmış ekstrakapsüler katarakta ekstraksiyası (PEKKE)

Katarakta, dərman, göz damlası, eynəklə yox edilə bilməz. Tək yolu gözdəki kataraktalı linzanın şəffaf gözdaxili linza ilə dəyişdirilməsidir. Katarakta əməliyyatı, uğur göstəricisi çox yüksək bir əməliyyatdır.