Gözün yaxşı görməsi üçün nə etməli?

Gözlərin sağlamlığı bir çox orqanlar kimi vacibdir.

Göz.az xəbər verir ki, göz sağlamlığında qidalanma, göz məşqləri əsas rol oynayır. Göz üçün vitaminlər sayılan qidaları qəbul etmək göz sağlamlığı üçün olduqca əhəmiyyətlidir. Bununla siz göz xəstəlikləri riskini ən aza endirmiş olarsınız.

Bəs göz sağlamlığı üçün hansı qidalar tövsiyə edilir?

İspanaq

Çovdar

Sitrus meyvələri

Kahı

Buğda

Yaşıl yarpaqlı bitkilər.

Bununla yanaşı sinklə zəngin qidalardan hesab edilən qırmızı ət, noxud, lobya, kartof, soğan yemək də tövsiyə edilir. Bu növ qidalar gözü işığın zərələrindən qorumağa kömək ediərək görməni yaxşılaşdırır.

Kök, kəvər, cəfəri süd, yumurta, balıq növləri isə A vitamini ilə zəngin olduğundan gözlər üçün birbaşa effektiv rola malikdir.

Yumurta sarısı, kök, brokoli kimi qidalar sarı ləkə xəstəliyinin profilaktikasında rol oynayır.

Bəs qidalanma ilə görmənin dərəcəsini artırmaq olarmı?

Bəzi qidalar var ki bu istiqamətdə təsirə malikdir.

C vitamini ilə zəngin qidalar, həmçinin lutein, tərkibində E, Beta karotin, sink, selen olan qidalara üstünlük verilməlidir.

C vitamini ilə zəngin qidalar – Naringi, portağal, albalı, çiyələk, kətan toxumu, avokado, moruq, rəngli bibərlər və s.

Sink və selen tərkibli qidalar – noxud, dəniz məhsulları, püstə və s.

Beta karotinlə zəngin qidalar – kartof, portağal, manqo, ispanaq, ərik, bibər, gül kələmi və s.

E ilə zəngin qidalar – Badam, püstə, fındıq, avokado, yumurta və s.

Bəs gündəlik həyat tərzində hansı dəyişikliklər edilməlidir?
Xanımlar gecə makiyajla yatmamalıdırlar. Bu göz üçün zərərlidir. Həmçinin alan zaman makiyaj məhsullarının tərkibi yoxlanılmalıdır. Belə ki, bakteriyalar keyfiyyətsiz məhsullar sayəsində çoxala bilir. Göz sağlamlığını qorumaq üçün makiyaj məhsullarına diqqət etmək lazımdır.

Göz infeksiyası keçirən xəstələr isə istifadə etdikləri makiyaj məhsullarını atmalı, göz qələmindən uzun müddət istifadə etməməlidirlər. Kirpik xəttinin daxili hissəsində gözyaşı ifrazat kanalları var. Bunlarda tıxanmalara və infeksiyalara səbəb ola bilər.

Göz qələmindən istifadə edilsə belə gecə yatmazdan öncə göz təmizləyici vasitələrlə gözlər silinməlidir.

Televiziya, kompüter, planşet qarşısında da çox zaman keçirtmək tövsiyə edilmir. Gözlər yorulur, sinirlər gərginləşir. Bununla zəifləməyə zəmin yaranır. Tez-tez gözlərə istirahət verilməlidir. 20 dəqiqədən bir 20 saniyə gözlər ekrandan uzaqlaşmalıdır. Bu şüalar da əsasən gözün qurumasına və yorğun düşməsinə yol açır.

Bununla yanaşı gözləri tez-tez qırpmaq gərəklidir. Göz sağlamlığı üçün hər 20 dəqiqədən bir, 20 saniyə uzağa baxmaq, ekranı 50 sm məsafədə və yuxarı kənarını göz səviyyəsindən aşağıda saxlamaq, əks olunan işığın qarşısını almaq məsləhətdir.

Mənfi vərdişlərdən uzaq durulmalıdır. Çünki nə qədər düzgün qidalanmağa diqqət yetirilsə də, siqaret, içki kimi mənfi vərdişlər gözün zəifləməsinə yol aça bilər. Siqaretin yaşdan asılı olaraq makula degenerasiyası üçün ciddi risk təşkil edir. Bununla yanaşı katarakta kimi göz xəstəliyinin yaranma riskini artırır.